Budol : at iba pang mga kwento mapangarapin at romantiko / Jemson Cayetano

Budol -- Abot-Kamay ang Himala -- EL AR TEE -- EDSANTE -- Time Capsule -- Kitkat -- Karatula -- Ang pangarap kong ride -- Extra -- Prom -- Kidnap for Ransom -- Waiting Shed.

Dati ay kilala lang ang salitang ‘budol’ na pantukoy sa mga taong madaling utuin at dayain. Sila pa nga ‘yung madalas puntiryahin ng mga ‘budol-budol’ gang. Walang kahit sino ang nanaising matawag na budol noon.

Pero iba na kasi ngayon. Hindi na lang sa panggagantso magagamit ang salitang ito. At hindi na lang mga magnanakaw ang pwedeng mambudol sa isang tao.

Ngayon ay maaari ka nang mabudol…
…ng kaibigan mo – “Sis, gimik tayo bukas!”
…ng nanay mo – “Anak, ganda pala ng air fryer ano? Bili tayo.”
…ng jowa mo – “Beh, ang mura ng trip to El Nido ngayon oh.”
…at syempre, ng iyong sarili.
Ang pambubudol sa sarili ang pinakapaborito ko sa lahat na klase ng pambubudol.

…

Ang “Budol At Iba Pang Mga Kuwentong Mapangarapin at Romantiko” ay koleksyon ng mga kuwento, sanaysay, dula, at tulang naisulat na hindi inaasahang may sinusundan palang tema: pangarap at romantisismo. Sinasalamin ng bawat piyesa ang pagpapahalaga (o pagkahumaling) ng may-akda sa konsepto ng pansariling kalayaan; sa pagpapahayag ng sarili, sa pagpapakita ng pag-ibig, at sa pag-abot sa mga pangarap.

Bagama’t ipinapakita ng ilan sa mga kuwentong nakapaloob dito na hindi laging ‘happy ever after’ ang nagiging wakas ng lahat ng istorya, nais pa ring iparating ng manunulat na sa pamamagitan lamang ng pagbudol sa ating mga sarili na higitan ang ating mga limitasyon at lundagan ang kawalang katiyakan tayo magkakaroon ng pagkakataong makamtan ang ating personal na kalayaan.

Budulin natin ang ating mga sarili.